ព្រះសីហនុ៖ ដោយបានការណែនាំនិងយកចិត្តទុកដាក់ពីសំណាក់លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ នៅព្រឹកថ្ងៃព្រហស្បតិ៍ ទី០៥ ខែកញ្ញា ឆ្នាំ២០១៩ លោកឧត្តមសេនីយ៍ត្រី ខៀវ សំណាង មេបញ្ជាការរង កងរាជអាវុធហត្ថខេត្តព្រះសីហនុ អញ្ជើញសំណេះសំណាល សួរសុខទុក្ខ លោក ព្រិន្ទបាលឯក ចាន់ ដារ៉ា មុខងារសមាជិកនៃវរកងអន្តរាគមន៍ពិសេស កងរាជអាវុធហត្ថលើផ្ទៃប្រទេស ប្រចាំការខេត្តព្រះសីហនុ បច្ចុប្បន្នមានជំងឺគ្រុនឈាម និងគ្រុនពោះវៀន កំពុងសម្រាកព្យាបាលនៅមន្ទីរពេទ្យបង្អែកខេត្ត ។
ជាមួយគ្នានោះ លោកឧត្តមសេនីយ៍ត្រី មេបញ្ជាការ បានឧបត្ថម្ភថវិកា ទឹកដោះឆៅ ទឹកសុទ្ធ មួយចំនួន ព្រមទាំងផ្តាំផ្ញើសូមយកចិត្តទុកដាក់ថែទាំសុខភាព គោរពតាមវេជ្ជបញ្ជា ដើម្បីឆាប់បានជាស្បះស្បើយ និងត្រលប់មកបម្រើការងារក្នុងអង្គភាពវិញ៕