កែបៈ ថ្ងៃទី២៧ ខែឧសភា ឆ្នាំ២០១៦ កម្លាំងកងរាជអាវុធហត្ថខេត្តកែប សហការជាមួយកម្លាំងនគរបាលខេត្ត បានចុះបង្ក្រាបករណីរក្សាទុក និងប្រើប្រាស់នូវសារធាតុញៀន ០១លើក ស្ថិតនៅចំណុច នៅផ្ទះសំណាក់
លីដាម៉ាស្សាខ្មែរ នៅភូមិថ្មី សង្កាត់ព្រៃធំ ក្រុងកែប ខេត្តកែប ។ កម្លាំងអាវុធហត្ថខេត្តកែប បានប្រាប់ភ្នាក់ងារ GRK News អោយដឹងថា កម្លាំងរបស់ខ្លួន បានធ្វើការឃាត់ខ្លួនបាន ជនសង្ស័យចំនួន០៣នាក់ ក្នុងនោះមានឈ្មោះ ៖
០១. ម៉ាត់ ហ៊ុយសាន់ ភេទប្រុស អាយុ២១ឆ្នាំ សព្វថ្ងៃនៅភូមិថ្មី សង្កាត់ព្រៃធំ ក្រុងកែប
០២. ស្រស់ ស្រីពៅ ភេទស្រី អាយុ១៨ឆ្នាំ នៅភូមិត្រពាំងព្រីង ឃុំត្រពាំងព្រីង ស្រុកទឹកឈូ ខេត្តកំពត
០៣. ព្រីង ចាន់ធាម ប្រុស ២៦ឆ្នាំ នៅភូមិថ្មី សង្កាត់ព្រៃធំ ក្រុងកែប។
+ វត្ថុតាងចាប់យករួម៖
០១. ម្សៅក្រាមពណ៌សថ្លា ចំនួន០២កញ្ចប់ (ម៉ាទឹកកក)
០២. បារីចំនួន ០២កញ្ចប់
០៣. ទូរស័ព្ទចំនួន ០៣គ្រឿង
០៤. ម៉ូតូចំនួន ០១គ្រឿង
ជនសង្ស័យ និង វត្ថុតាងខាងលើត្រូវកម្លាំងអាវុធហត្ថខេត្តកែប កំពុងកសាងសំណុំរឿង ដើម្បីចាត់ការបន្តតាមនីតិវិធី ។
