ក្រចេះ៖ ដោយមានការសម្របសម្រួលពីលោក កែវ សុជាតិ ព្រះរាជអាជ្ញាអមសាលាដំបូខេត្តក្រចេះ វេលាម៉ោង ១៦ និង ៣០នាទី ថ្ងៃទី០២ ខែតុលា ឆ្នាំ២០១៩ កម្លាំងមន្ទីរយុត្តិធម៌ កងរាជអាវុធហត្ថខេត្តក្រចេះ សហការជាមួយកម្លាំងមូលដ្ឋាន កងរាជអាវុធហត្ថក្រុង ដឹកនាំដោយលោក វរសេនីយ៍ឯក ឡុង យឹង មេបញ្ជាការរង កងរាជអាវុធហត្ថខេត្តក្រចេះ បានចុះបង្ក្រាបករណីគ្រឿងញៀន នៅចំណុចក្រុមហ៊ុនថ្មម៉ាមភ្នំព្រិច ភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ ដោយឃាត់ខ្លួនជនសង្ស័យម្នាក់ ឈ្មោះ វឿង សេងហុង ភេទប្រុស អាយុ ២២ឆ្នាំ ជនជាតិខ្មែរ មុខរបរតៃកុងឡាន រស់នៅភូមិថ្មល់ ឃុំស្វាយជ្រះ ស្រុកស្នួល ខេត្តក្រចេះ។ វត្ថុតាងដកហូតមានម្សៅក្រាមពណ៌ស (ម៉ាទឹកកក) សង្ស័យជាសារធាតុញៀនចំនួន ០១កញ្ចប់តូច, ទូរស័ព្ទចំនួន០១គ្រឿង និងសម្ភារៈប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ និងវត្ថុតាងត្រូវបានកសាងសំណុំរឿងបញ្ជូនទៅតុលាការតាមនីតិវិធី។