កំពត៖ នៅវេលាម៉ោង ១៨ នឹង ១០នាទី ថ្ងៃទី០៤ ខែតុលា ឆ្នាំ២០១៩ កម្លាំងមូលដ្ឋាន កងរាជអាវុធហត្ថស្រុកដងទង់ ខេត្តកំពត បានធ្វើការឃាត់ខ្លួនជនសង្ស័យចំនួន ០២នាក់ ពាក់ព័ន្ធករណីគ្រឿងញៀន ជនសង្ស័យមានឈ្មោះ ពុត ហាន់ឃ្វា ភេទប្រុស អាយុ ២៣ឆ្នាំ មុខរបជាងភ្លើង រស់នៅភូមិច្រកកែស ឃុំដងទង់ ស្រុកដងទង់ ខេត្តកំពត និងឈ្មោះ ជាន វ៉ាន់ដេ ភេទប្រុស អាយុ ២៤ឆ្នាំរស់នៅភូមិអូកណ្តោល ឃុំដងទង់ ស្រុកដងទង់ ខេត្តកំពត វត្ថុតាងចាប់យករួមមាន ម្សៅក្រាមពណ៌សថ្លាចំនួន២កញ្ចប់តូច និងម៉ូតូចំនួន ០១គ្រឿង។ បច្ចុប្បន្នមន្ត្រីជំនាញបានកសាងសំណុំរឿងបញ្ជូនទៅតុលាការដើម្បីបន្តនីតិវិធី។