កោះកុងៈ នៅវេលាម៉ោង ០៥ និង១០នាទី ថ្ងៃទី២៩ ខែឧសភា ឆ្នាំ២០១៦ កម្លាំងកងរាជអាវុធហត្ថខេត្តកោះកុង បានចុះបង្ក្រាបករណីពាក់ព័ន្ធជាមួយសារធាតុញៀន ចំនួន០១លើក ស្ថិតនៅចំណុច ភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង។ បើតាមសំដីភ្នាក់ងារ GRK News បានអោយដឹងថា
កម្លាំងអាវុធហត្ថខេត្តកោះកុង បានធ្វើការឃាត់ខ្លួនបានជនសង្ស័យចំនួន០៤នាក់ ដែលមានឈ្មោះ ៖
០១. ម៉ាត់ វ៉ាន់ ភេទប្រុស អាយុ២២ឆ្នាំ ជនជាតិខ្មែរ-ឥស្លាម មុខរបរកម្មកររោងចក្រ មានទីលំនៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង ។
០២. សុខ ហេង ភេទប្រុស អាយុ២២ឆ្នាំ មុខរបរកម្មករ មានទីលំនៅមិនពិប្រាកដ មានស្រុកកំណើតខេត្តពោធ៏សាត់។
០៣. សួស ស្រីពេជ ភេទស្រី អាយុ២១ឆ្នាំ មុខរបរបម្រើការងារខារ៉ាអូខេ ទីលំនៅ បច្ចុប្បន្ន ស្ថិតនៅភូមិ៣ សង្កាត់ ស្មាច់មានជ័យ ក្រុងខេមរភូមិន្ទ មានស្រុកកំណើតនៅខេត្តកំពង់ស្ពឺ ។
០៤. ម៉ី វណ្ណនិត ភេទប្រុស អាយុ២៧ឆ្នាំ មុខរបរកម្មករ មានទីលំនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
+ វត្ថុតាងចាប់យករួមមាន៖
០១. ម្សៅក្រាមពណ៌សថ្លា ចំនួន០៣កញ្ចប់
០២. ម៉ូតូចំនួន ០២គ្រឿង
០៣. ទូរសព្ទ័ចំនួន០៥គ្រឿង
០៤. ទុយោចំនួន០៥ដើម
០៥. លុយខ្មែរ១៣០០០០រៀល។
ជនសង្ស័យ និងវត្ថុតាងខាងលើត្រូវកម្លាំងអាវុធហត្ថខេត្តកោះកុង កំពុងកសាងសំណុំរឿង ដើម្បីចាត់ការបន្តតាមនីតិវិធី ។