ស្វាយរៀង៖ នៅព្រឹកថ្ងៃចន្ទ ទី១៤ ខែតុលា ឆ្នាំ២០១៩ នៅមូលដ្ឋានកងរាជអាវុធហត្ថក្រុងស្វាយរៀង បានធ្វើពិធីក្រុងពាលីបញ្ចុះទូកខ្នាតអន្តរជាតិឈ្មោះ ព្រះខ័នមានជ័យបារមីបូព៌ា ជាទូករបស់កងរាជអាវុធហត្ថខេត្តស្វាយរៀង ដែលស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង។ ពិធីនេះក្រោមអធិបតីភាព លោក ឧត្ដមសេនីយ៍ត្រី នុត នន្ទ មេបញ្ជាការរង និងជានាយសេនាធិការតំណាង លោក ឧត្ដមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង ដោយមានការអញ្ជើញចូលរួមពីសំណាក់ លោក លោកស្រីមេបញ្ជាការរង លោកនាយរងសេនាធិការដ្ឋាន នាយការិយាល័យមេបញ្ជាការ មូលដ្ឋានកងរាជអាវុធហត្ថស្រុក-ក្រុង នាយទាហាយ នាយទាហានរងនៃកងរាជអាវុធហត្ថ និងកីឡាករទូកជាច្រើនរូបទៀត។