បន្ទាយមានជ័យ៖នៅវេលាម៉ោង ១៨ និង២០នាទី ថ្ងៃទី១០ ខែតុលា ឆ្នាំ២០១៩ កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ដឹកនាំដោយលោកវរសេនីយ៍ត្រី យ៉ាន់ សុវណ្ណ មេបញ្ជាការមូលដ្ឋានកងរាជអាវុធហត្ថក្រុង បានចុះល្បាតការពារសន្តិសុខរក្សាសុវត្ថិភាព និងសណ្តាប់ធ្នាប់ក្នុងភូមិសាស្រ្តក្រុង លុះកម្លាំងល្បាតដល់ចំណុចផ្លូវរថភ្លើង ស្ថិតនៅភូមិពង្រ សង្កាត់កំពង់ស្វាយ ក្រុងសិរីសោភ័ណ បានឃើញយុវជន ០១នាក់ ជិះម៉ូតូ ០១គ្រឿងគួរឲ្យសង្ស័យកម្លាំងឃាត់សួរនាំ និងធ្វើការឆែកឆេរ  ឃើញមាន គ្រឿងញៀនមេតំហ្វេតាមីនទឹកកក ចំនួន ០១កូនថង់, ម៉ូតូ ០១,  ទូរស័ព្ទដៃ ០១គ្រឿង និងបំពង់ជក់ចំនួន ០២ដើម។ ជនសង្ស័យមានឈ្មោះ ស្រេង ឃុន ភេទប្រុស អាយុ ១៧ឆ្នាំ ជនជាតិខ្មែរ  បច្ចុប្បន្នស្នាក់នៅភូមិហ្លួង ឃុំឬស្សីក្រោក ស្រុកមង្គលបូរី ។

បច្ចុប្បន្នជនសង្ស័យត្រូវបានកម្លាំងជំនាញបទល្មើសគ្រឿងញៀនកងរាជអាវុធហត្ថខេត្តកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី ៕