បាត់ដំបងៈ នៅវេលាម៉ោង ១២ និង៣០នាទី ថ្ងៃទី០១ ខែមិថុនា ឆ្នាំ២០១៦ កម្លាំងកងរាជអាវុធហត្ថក្រុងបាត់ដំបង បានធ្វើការបង្ក្រាបករណីជួញដូរ នូវសារធាតុញៀន ចំនួន០១លើក ស្ថិតនៅចំណុចក្បែរ សាលារៀនសុវណ្ណភូមិ ស្ថិតក្នុងភូមិព្រែក មហាទេព សង្កាត់ ស្វាយប៉ោ ក្រុង/ខេត្តបាត់ដំបង ។
បើតាមសំដីភ្នាក់ងារ GRK News បានអោយដឹងថា
កម្លាំងអាវុធហត្ថក្រុងបាត់ដំបង បានធ្វើការឃាត់ខ្លួនបានជនសង្ស័យចំនួន០៦នាក់ ដែលមានឈ្មោះ ៖
០១. ទឹម រ៉ែន ភេទប្រុស អាយុ២៦ ឆ្នាំ រស់នៅភូមិកាប់គោថ្មី សង្កាត់អូរចារ ក្រុងបាត់ដំបង ។
០២. សួន សំខាន់ ភេទប្រុស អាយុ២២ ឆ្នាំ រស់នៅភូមិវត្តរំដួល សង្កាត់ចំការសំរោង ក្រុងបាត់ដំបង ។
០៣. ធួន ចំរើន ភេទប្រុស អាយុ៣៦ ឆ្នាំ រស់នៅភូមិអង់ សង្កាត់អូរចារ ក្រុងបាត់ដំបង ។
០៤. ធួន ដូសេត ហៅ ឌូ ភេទប្រុស អាយុ ៣០ ឆ្នាំ រស់នៅភូមិអង់ សង្កាត់អូរចារ ក្រុងបាត់ដំបង ។
០៥. លី ឡុង ភេទប្រុស អាយុ២១ ឆ្នាំ រស់នៅភូមិបាក់អម្រែក ឃុំព្រែកហ្លួង ស្រុកឯកភ្នំ ខេត្តបាត់ដំបង ។
០៦. ថង សារ៉ាក់ ហៅស្វិត ភេទប្រុស អាយុ១៨ ឆ្នាំ រស់នៅភូមិអណ្តូងចេញ សង្កាត់អូរចារ ក្រុងបាត់ដំបង ។
+ វត្ថុតាងចាប់យករួមមាន៖
០១. ម្សៅក្រាមពណ៌សថ្លា ចំនួន ០៨កញ្ចប់ ដែលមានទម្ងន់ស្មើ ៦.៦៨ ក្រាម
០២. ជញ្ជីងថ្លឹងថ្នាំញៀនចំនួន ០២គ្រឿង
០៣. ម៉ូតូចំនួន ០១គ្រឿង
០៤. ទូរស័ព្ទដៃចំនួន ០៣គ្រឿង
០៥. លុយខ្មែរចំនួន ២៣ម៉ឺន និងសម្ភារៈជក់ថ្នាំញៀនមួយចំនួន។
ជនសង្ស័យ និងវត្ថុតាងខាងលើត្រូវកម្លាំងអាវុធហត្ថក្រុងបាត់ដំបង កំពុងកសាងសំណុំរឿង ដើម្បីបញ្ចូនបន្តតាមនីតិវិធី ។
