បន្ទាយមានជ័យ៖ នៅវេលាម៉ោង ១៩ និង ០០នាទី ថ្ងៃទី០៥ ខែវិចិ្ឆកា ឆ្នាំ២០១៩ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោក វរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង បានចុះប្រតិបត្តិការបង្រ្កាបករណីចែកចាយ និងប្រើប្រាស់សារធាតុញៀនដោយខុសច្បាប់ នៅចំណុចកាស៊ីណូអ័រគីដេ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត និងឃាត់ខ្លួនជនសង្ស័យចំនួន ០២នាក់៖ ឈ្មោះ ឈុន ទ្រី ភេទប្រុស ៤០ឆ្នាំ មុខរបរកម្មករ រស់នៅបណ្តោះអាសន្នក្នុងផ្សាររ៉ុងក្លឿ ប្រទេសថៃ និងឈ្មោះ ហៀប វណ្ណបុត្រ ភេទប្រុស អាយុ ៣៧ឆ្នាំ មានទីលំនៅមិនពិតប្រាកដក្នុងក្រុងប៉ោយប៉ែត ក្នុងប្រតិបត្តិការនេះ កម្លាំងចាប់យកវត្ថុតាងរួមមាន៖ គ្រឿងញៀនមេតំហ្វេតាមីនទឹកកក ចំនួន ០៤កូនថង់ គ្រឿងញៀនមេតំហ្វតាមីនគ្រាប់ ចំនួន ០៤កូនថង់តូចទូរស័ព្ទដៃ ០១គ្រឿង, ខ្សែដៃលោហធាតុពណ៌លឿង ០១ខ្សែ, ដុំសាកទូរស័ព្ទចំនួន ០១។
បច្ចុប្បន្នកម្លាំងជំនាញបានកសាងសំណុំរឿងបញ្ជូនជនសង្ស័យ និងវត្ថុតាងទៅតុលាការ ដើម្បីចាត់ការតាមនីតិវិធី ។