កណ្តាល៖ នៅវេលាម៉ោង ២និង ៣០នាទីរំលងអាធ្រាត ថ្ងៃទី០១ ខែវិច្ឆិកា ឆ្នាំ២០១៩ មានករណីប៉ុនប៉ងលួច (ម៉ូតូ) មួយកើតឡើងនៅចំណុចក្លឹបកំសាន្ត “រស្មីពេជ្រនិល” ស្ថិតក្នុងភូមិថ្នល់ទទឹង ឃុំតំណាក់អំពិល ស្រុកអង្គស្នួល ខេត្តកណ្តាល បង្កដោយជនសង្ស័យឈ្មោះ ណាត គឹមណុយ ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅភូមិតាំងទន្លេ សង្កាត់សុព័រទេព ក្រុងច្បារមន ខេត្តកំពង់ស្ពឺ បានធ្វើសកម្មភាពលួចម៉ូតូរបស់ជនរងគ្រោះឈ្មោះ ហួច ភេទប្រុស អាយុ២៧ឆ្នាំ មុខរបរចាក់ភ្លេង ស្នាក់នៅភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។ ពេលកំពុងធ្វើសកម្មភាពបណ្តើរម៉ូតូចេញបំរ៉ុងជិះគេចខ្លួន ត្រូវបានម្ចាស់ម៉ូតូឃើញទាន់ ក៏បានឃាត់ខ្លួនប្រគល់ឲ្យសម្ថកិច្ចកងរាជអាវុធហត្ថស្រុកអង្គស្នួលតែម្តង។ វត្ថុតាងចាប់យករួមមានម៉ូតូ០១គ្រឿង (របស់ជនរងគ្រោះ)។
បច្ចុប្បន្នជនសង្ស័យ ត្រូវបានជំនាញកងរាជអាវុធហត្ថខេត្ត កសាងសំណុំរឿងបញ្ជូនទៅតុលាការ។