បន្ទាយមានជ័យៈ នៅវេលាម៉ោង ០៨ និង០០នាទី ថ្ងៃទី០៣ ខែមិថុនា ឆ្នាំ២០១៦ កម្លាំងកងរាជអាវុធហត្ថក្រុងប៉ោយប៉ែត បានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីលួច ដែលប្រព្រឹត្តនៅវេលាម៉ោង០៥ និង៤០នាទី ថ្ងៃ០៣ ខែមិថុនា ឆ្នាំ២០១៦ នៅចំនុចវត្តបាលិលេយ្យ ភូមិក្បាលស្ពាន2 សង្កាត់-ក្រុងប៉ោយប៉ែតខេត្តបន្ទាយមានជ័យ ។
បើតាមសំដីភ្នាក់ងារ GRK News បានអោយដឹងថា
ជនសង្ស័យមានឈ្មោះ សួន បូរះ ភេទប្រុស អាយុ២១ឆ្នាំ មានទីលំនៅមិនពិតប្រាកដ។
+ វត្ថុតាងចាប់យករួមមាន៖ ទូរស័ព្ទដៃចំនួន ០៣គ្រឿង។
ជនសង្ស័យ និងវត្ថុតាងខាងលើត្រូវកម្លាំងអាវុធហត្ថក្រុងប៉ោយប៉ែត កំពុងកសាងសំណុំរឿង ដើម្បីបញ្ចូនបន្តតាមនីតិវិធី ចំណែកទូរស័ព្ទទាំង០៣គ្រឿងត្រូវបានប្រគល់អោយម្ចាស់ដើមវិញហើយ។