កពង់ចាម៖ នៅវេលាម៉ោង ២៣ និង៤៥ នាទី ថ្ងៃទី១៤ ខែវិច្ឆិកា ឆ្នាំ២០១៩ នៅចំណុចរង្វង់មូលជ័យវរ្ម័ន ភូមិចុងថ្នល់ សង្កាត់បឹងកុក ក្រុងកំពង់ចាម ខេត្តកំពង់ចាម កម្លាំងជំនាញកងរាជអាវុធហត្ថកំពង់ចាម ដឹកនាំដោយ លោកវសេនីយ៍ត្រី ឆាយ រ៉ង អនុប្រធានមន្ទីរយុត្តិធម៌ កងរាជអាវុធហត្ថខេត្ត បានចុះបង្ក្រាបករណីជួញដូរ ឬប្រើប្រាស់ដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យចំនួន ០២នាក់ ឈ្មោះ លីម រ៉ូហ្សា ភេទប្រុសអាយុ ២៧ឆ្នាំ មុខរបរកម្មករ សំណង់មានទីលនៅ ភូមិរការ សង្កាត់សំបួរមាស ក្រុងកំពង់ចាម ខេត្តកំពង់ចាម និងឈ្មោះ ម៉ាត់ ណូរុណ ភេទប្រុស អាយុ ៣២ឆ្នាំ មុខរបរលក់បង្កង មានទីលំនៅភូមិរកាលើ សង្កាត់សំបួរមាស ក្រុងកំពង់ចាម ខេត្តកំពង់ចាម។
វត្ថុតាងដែលដកហូតមានម្សៅក្រាមពណ៌សថ្លាចំនួន ០១កញ្ចប់ និងទូរស័ព្ទចំនួន ០១គ្រឿង។ បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញ កងរាជអាវុធហត្ថខេត្តកសាងសំណុំរឿងតាមនីតិវិធី។