ស្វាយរៀង៖ វេលាម៉ោង ១៦:១០នាទី ថ្ងៃទី១៥ ខែវិច្ឆិកា ឆ្នាំ២០១៩ កម្លាំងមូលដ្ឋាន កងរាជអាវុធហត្ថក្រុងបាវិត ដឹកនាំដោយលោក វរសេនីយ៍ទោ ខាំ ណាន មេបញ្ជាការ មូលដ្ឋានកងរាជអាវុធហត្ថក្រុងបាវិត បានចុះបង្រ្កាបករណីរក្សាទុក ឬជួញដូរដោយខុសច្បាប់នូវសាធាតុញៀន នៅចំណុចភូមិព្រៃធំ សង្កាត់ព្រៃអង្គុយ ក្រុងបាវិត ខេត្តស្វាយរៀង ដោយឃាត់ខ្លួនជនសង្ស័យចំនួន ០១ នាក់ឈ្មោះ អ៊ែល ស្រីពៅ ភេទស្រី អាយុ ២៣ ឆ្នាំ ជនជាតិខ្មែរ មុខរបររត់តុហាងចិន មានទីលំនៅភូមិកក់ ឃុំស្វាយរំពារ ស្រុកស្វាយទាប ខេត្តស្វាយរៀង និងក្រោមវិធានការជំនាញកម្លាំងបានធ្វើការស្រាវជ្រាវនិងឃាត់ខ្លួនជនសង្ស័យពីរនាក់បន្ថែមទៀតមានឈ្មោះ ឡេង ផល្លា ភេទប្រុស អាយុ ៣៣ ឆ្នាំ មានទីលំនៅភូមិចុងព្រែក សង្កាត់ស្វាយរៀង ក្រុងស្វាយរៀង ខេត្តស្វាយរៀង និងឈ្មោះ សំ ស៊ីណាត ភេទប្រុស អាយុ ៣៨ ឆ្នាំ មានទីលំនៅភូមិប្រសូត្រ ឃុំកណ្តៀងរាយ ស្រុកស្វាយទាប ខេត្តស្វាយរៀង ។
វត្ថុតាងដកហូតមានម្សៅក្រាមពណ៌សថ្លាចំនួន ១៦កញ្ចប់, ថ្នាំគ្រាប់ពណ៌ផ្កាឈូកចំនួន ០៩ គ្រាប់, ទូរស័ព្ទចំនួន ១១ គ្រឿង, ម៉ូតូចំនួន ០៣គ្រឿង, ប្រាក់រៀលចំនួន ៣៩៦.៥០០ រៀល, ប្រាក់ដុល្លារចំនួន ០១ ដុល្លារ, កាតវីងចំនួន ០១ សន្លឹក, ជញ្ជីងសម្រាប់ថ្លឹងគ្រឿងញៀនចំនួន ០១ គ្រឿង, លោហធាតុពណ៌លឿងចំនួន ០១ ខ្សែ, ថង់សម្រាប់ច្រកគ្រឿងញៀនមួយចំនួន និងសម្ភារៈប្រើប្រាស់គ្រឿងញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាង កម្លាំងជំនាញបានកសាងសំណុំរឿងបញ្ជួនទៅតុលាការ។