ភ្នំពេញ៖ ព្រឹកថ្ងៃអង្គារ ទី១៩ ខែវិច្ឆិកា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស បានបើកកិច្ចប្រជុំផ្សព្វផ្សាយលទ្ធផល ការងារជ្រើសរើសពលទាហាននៃកងរាជអាវុធហត្ថ ក្រោមអធិបតីភាពលោក ឧត្តមសេនីយ៍ឯក ស៊ិន សូផាន្នី មេបញ្ជាការរង កងរាជអាវុធហត្ថលើផ្ទៃប្រទេស ប្រធានអនុគណៈកម្មការជ្រើសរើសពលទាហាននៃកងរាជអាវុធហត្ថដែលបានដំណើរការរយៈពេលកន្លងមក តាមការសម្រេចរបស់រាជរដ្ឋាភិបាល របស់ក្រសួងការពារជាតិ របស់អគ្គបញ្ជាការដ្ឋាននៃកងយោធពលខេមរភូមិន្ទ ស្តីពីការជ្រើសរើសពលទាហាននៃកងរាជអាវុធហត្ថ ដើម្បីបំពេញក្របខណ្ឌឱ្យខណ្ឌ ក្រុង ស្រុក ដែលទើបបង្កើតថ្មីចំនួន៦ និងបំពេញក្របខណ្ឌប្តូរជំនួសយោធិនចូលនិវត្តន៍២០១៩នេះ។
