បន្ទាយមានជ័យ៖ នៅវេលាម៉ោង ១៥ និង ៣០នាទី ថ្ងៃទី១៧ ខែវិចិ្ឆកា ឆ្នាំ២០១៩ នៅចំណុចមណ្ឌលបី ស្ថិតនៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ កម្លាំងមូលដ្ឋានកងរាជអាវុធហត្ថក្រុង ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋាន កងរាជអាវុធហត្ថក្រុងប៉ោយប៉ែត បានចុះប្រតិបត្តិការបង្រ្កាបករណីអំពើលួច និងឃាត់ខ្លួនជនសង្ស័យម្នាក់ឈ្មោះ ផាត ចន្ថា ភេទស្រី អាយុ ២៦ឆ្នាំ ជនជាតិខ្មែរ។
វត្ថុតាងដកហូតមានខ្សែដៃលោហធាតុពណ៌លឿង ចំនួន ០២ខ្សែ, ខ្សែកលោហធាតុពណ៌លឿង ចំនួន ០១ខ្សែ, ចិញ្ចៀនលោហធាតុពណ៌លឿង ០៣វង់, ក្រវិលលោហធាតុពណ៌លឿង ០១គូរ ត្រូវជនសង្ស័យយកទៅលាក់ទុកក្នុងកំប៉ុងម្សៅ និងបានប្រគល់សម្ភារៈទាំងនោះជូនម្ចាស់ដើមវិញ
បច្ចុប្បន្នជនសង្ស័យត្រូវបានកម្លាំងជំនាញកងរាជអាវុធហត្ថខេត្ត កសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី ។