បន្ទាយមានជ័យ៖ នៅវេលាម៉ោង ០៣ និង ០០នាទីថ្ងៃទី០៤ ខែធ្នូ ឆ្នាំ២០១៩ កម្លាំងមូលដ្ឋាន កងរាជអាវុធហត្ថក្រុងប៉ោយប៉ែត បានឃាត់ខ្លួនជនសង្ស័យចំនួន ម្នាក់ឈ្មោះ អាយ ចិត្ត្រា ភេទប្រុស អាយុ ៤២ឆ្នាំ មានទីលំនៅមិនពិតប្រាកដក្នុងក្រុងប៉ោយប៉ែត នៅចំណុចកាស៊ីណូផារ៉ាមិច ស្ថិតនៅភូមិក្បាលស្ពាន១ សង្កាត់/ក្រុងប៉ោយប៉ែត ពាក់ព័ន្ធករណីជួញដូរ ឬប្រើប្រាស់ដោយខុសច្បាប់នូវសារធាតុញៀន និងបានដកហូតវត្ថុតាងមានថ្នាំគ្រាប់ពណ៌ផ្កាឈូក ចំនួន ១១៥គ្រាប់, ថ្នាំគ្រាប់ពណ៌បៃតងចំនួន ០២គ្រាប់, ទូរស័ព្ទដៃ ០១គ្រឿង, ដែកកេះចំនួន ០៣ និងសម្ភារៈវិចខ្ចប់គ្រឿងញៀនមួយចំនួន។
បច្ចុប្បន្នជនសង្ស័យ ត្រូវបានមន្ត្រីជំនាញកងរាជអាវុធហត្ថ កសាងសំណុំរឿងបញ្ជូនទៅតុលាការ ដើម្បីចាត់ការបន្ត។