សូមបួងសួងដល់វត្ថុស័ក្តិសិទ្ធិក្នុងលោក ប្រោសប្រទានពរជ័យ
បវរសួស្តី សិរីមង្គល ជូនចំពោះព្រះករុណាព្រះបាទសម្ដេចព្រះបរមនាថ នរោត្តម សីហមុនី
ព្រះមហាក្សត្រនៃព្រះរាជាណាចក្រកម្ពុជាក្នុងឱកាសចូលឆ្នាំថ្មី ឆ្នាំសកល ២០២០ក្នុងឱកាសដ៏ប្រពៃថ្លៃថ្លានេះ ទូលព្រះបង្គំយើងខ្ញុំទាំងអស់សូមព្រះបរមរាជានុញ្ញាតថ្វាយព្រះពរ
ព្រះករុណាជាអម្ចាស់ជីវិតលើត្បូង សូមព្រះអង្គទាំងទ្វេទ្រង់មានព្រះកាយពលមាំមួន
ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរ ដើម្បីគង់ប្រថាប់
ជាម្លប់ដ៏ត្រជាក់ត្រជុំដល់ប្រជារាស្រ្តទូទាំងប្រទេសជានិច្ចនិរន្តរ៍តរៀងទៅ។
ជាថ្មីម្ដងទៀតទូលព្រះបង្គំយើងខ្ញុំជាកូនចៅ ចៅទួត របស់ព្រះអង្គសូមលើកហត្ថប្រណម
បួងសួងដល់គុណបុណ្យព្រះរតនត្រ័យ វត្ថុស័កសិទ្ធក្នុងលោកមានទេវតារក្សាព្រះមហាស្វេតច្ឆត្រ
បុណ្យបារមីនៃដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ
ជាពិសេសបុណ្យបារមីព្រះករុណា ព្រះមហាវីរក្សត្រ ព្រះវររាជបិតា ព្រះបរមរតនកោដ្ឋ សូមតាម
បីបាច់ថែរក្សាប្រោះព្រំសព្វសាធុកាពរ សិរីសួស្ដី ជ័យមង្គលវិបុលសុខ មហាប្រសើរ
ថ្វាយព្រះករុណាជាអម្ចាស់ជីវិតលើត្បូង ព្រះអង្គទ្រង់ប្រកបដោយព្រះពុទ្ធពរទាំងប្រាំប្រការ
អាយុ វណ្ណៈ សុខៈ ពលៈ និងបដិភាណៈជាភិយ្យោភាពតរៀងទៅ៕

សូមក្រាបបង្គំទូលថ្វាយព្រះពរពី
ទូលព្រះបង្គំជាខ្ញុំ នាយឧត្តមសេនីយ៍ សៅ សុខា
អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស
និងលោកជំទាវ ព្រមទាំងនាយទាហាន នាយទាហានរងនៃកងរាជអាវុធហត្ថទាំងអស់