ស្វាយរៀង៖ ព្រឹកថ្ងៃអង្គារ ទី០៧ ខែមករា ឆ្នាំ២០២០ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីអបអរសាទរខួបទី ៤១ នៃទិវាជ័យជម្នះ ០៧ មករា ( ០៧.មករា.១៩៧៩-០៧.មករា.២០២០) នៅស្រុករមាសហែក ខេត្តស្វាយរៀង។ ទិវានេះក៏មានការនិមន្ត និងអញ្ជេីញចូលរួមពីឯកឧត្តម លោកជំទាវ អស់លោក លោកស្រីក្រុមការងារខេត្ត ស្រុក ឃុំ មន្ត្រីរាជការមន្ទីរអង្គភាពជុំវិញស្រុក កងកំលាំងប្រដាប់អាវុធ យុវជនកាយឬទ្ធិ យុវជនកាកបាតក្រហម យុវជនសហភាពសហព័ន្ធ សិស្សនិសិត្ស ព្រះសង្ឃ និងប្រជាពលរដ្ឋចូលរួមយ៉ាងច្រើនកុះករ។
