ស្វាយរៀង៖ នៅវេលាម៉ោង ២២ និង ១០ នាទីថ្ងៃទី០៥ ខែមករា ឆ្នាំ២០២០ កម្លាំងមូលដ្ឋានកងរាជអាវុធហត្ថក្រុងបាវិត ដឹកនាំដោយលោក វរសេនីយ៍ទោ ខាំ ណាន មេបញ្ជាការ មូលដ្ឋានកងរាជអាវុធហត្ថក្រុងបាវិត បានសហការជាមួយកម្លាំងមន្ទីរយុត្តិធម៌កងរាជអាវុធហត្ថខេត្ត ដឹកនាំដោយលោក វរសេនីយ៍ឯក ស្រី វុត្ថា មេបញ្ជាការរង កងរាជអាវុធហត្ថខេត្តស្វាយរៀង បានចុះបង្ក្រាបករណីរក្សាទុក ឬជួញដូរដោយខុសច្បាប់នូវសារធាតុញៀន នៅចំណុចភូមិបាវិតកណ្ដាល សង្កាត់បាវិត ក្រុងបាវិត ដោយឃាត់ខ្លួនជនសង្ស័យម្នាក់ឈ្មោះ ឈួ សុផាន ភេទប្រុស អាយុ ៣៤ឆ្នាំ ជនជាតិខ្មែរ មុនរបារមិនពិតប្រាកដ ស្រុកកំណើត ភូមិអូតាគាំ ឃុំទួលតាឯក ស្រុក ស្វាយប៉ោ ខេត្តបាត់ដំបង បច្ចុប្បន្ន ស្នាក់នៅបន្ទប់ជួល ភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។ រហូតដល់វេលាម៉ោង ០៤ និង ៥១នាទី ព្រឹកថ្ងៃទី០៦ ខែមករា ឆ្នាំ២០២០ ឃាត់ខ្លួនជនសង្ស័យម្នាក់ទៀតឈ្មោះ អ៊ីវ ចាន់រិទ្ធី ភេទប្រុស អាយុ ២៦ ឆ្នាំ ជនជាតិខ្មែរ មុខរបរមិនពិតប្រាកដ ស្រុកកំណើត ភូមិស្មោង ឃុំស្មោង ស្រុកទ្រាំង ខេត្តតាកែវ បច្ចុប្បន្ន ស្នាក់នៅបន្ទប់ជួល ភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
វត្ថុតាងចាប់យកមានម្សៅក្រាមពណ៌សថ្លា ១៤កញ្ចប់, ទូរស័ព្ទដៃចំនួន ៦គ្រឿង, ជញ្ជីងថ្លឹងថ្មាំញៀនចំនួន០១ គ្រឿង, លោហៈធាតុពណ៌លឿង (កងដៃ) ០១វង់, ប្រាក់ដុល្លា ០១ដុល្លា, ប្រាក់រៀល ១២៣,០០០រៀល, ប្រាក់ដុង ៣០០,០០០ដុង, សម្ភារៈប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញកសាងសំណុំរឿង បញ្ជូនទៅតុលាការ។
