កោះកុង៖ នៅវេលាម៉ោង ១៥:០០នាទី ថ្ងៃទី១២ ខែមករា ឆ្នាំ២០២០ នៅចំណុចផែប្រមូលផលនេសាទស្ថិតភូមិនាងកុក ឃុំប៉ាកខ្លង ស្រុកមណ្ឌលសីមា ខេត្តកោះកុង កម្លាំងអាវុធហត្ថខេត្តកោះកុង និងកម្លាំងមូលដ្ឋាន កងរាជអាវុធហត្ថស្រុកមណ្ឌលសីមា ដឹកនាំដោយលោក វរសេនីយ៍ត្រី នួន វុត្ថា មេបញ្ជាការរង កងរាជអាវុធហត្ថខេត្ត និងដោយមានការសម្របសម្រួលនីតិវិធីពីលោក រស់ សារាំ ព្រះរាជអាជ្ញាអបសាលាដំបូងខេត្តកោះកុង កម្លាំងបានឃាត់ខ្លួនជនសង្ស័យចំនួន ១០នាក់ ករណីរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន ដោយចាប់យកវត្ថុតាងម្សៅក្រាមពណ៌ស ម៉ាទឹកកកចំនួន ៦កញ្ចប់,ទូរស័ព្ទចំនួន ០១គ្រឿង,ដែកឆាបចំនួន០១, កាំបិតខ្លីចំនួន០១, កាបូបដៃចំនួន០១, អត្តសញ្ញាណប័ណ្ណចំនួន ០១សន្លឹក, កាតថៃចំនួន ០២សន្លឹក, កាតអេធីអឹមចំនួន០១, ដបសំរាប់ជក់ថ្នាំចំនួន០២។
បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្ត កសាងសំណុំរឿងបញ្ជូនទៅអយ្យការ អមសាលាដំបូងខេត្ត។