បាត់់ដំបង៖ នៅវេលាម៉ោង ១៨:៣០ នាទី ថ្ងៃទី១៣ ខែមករា ឆ្នាំ២០២០ នៅចំណុចខាងក្រោយផ្សារទំនើបភួពុយ ស្ថិតក្នុងភូមិអញ្ចាញ សង្កាត់អូរចារ ក្រុង/ខេត្តបាត់ដំបង កម្លាំងមូលដ្ឋាន កងរាជអាវុធហត្ថក្រុងបាត់ដំបង បានធ្វើការឃាត់ខ្លួនជនសង្ស័យម្នាក់ឈ្មោះ ឆោម ដារ៉ា (ហៅឆៃ) ភេទប្រុស អាយុ ៣១ ឆ្នាំ មុខរបរមិនពិតប្រាកដ មានទីលំនៅផ្ទះលេខ ១០៤ ក្រុមទី១០ ភូមិស្តីលើ ឃុំព្រែកហ្លួង ស្រុកឯកភ្នំ ខេត្តបាត់ដំបង ដែលបានធ្វើសកម្មភាពលួចម៉ូតូ ០១ គ្រឿង ម៉ាកហុងដាវីនន័រ (WINNER) ពណ៌លឿង ស៊េរីឆ្នាំ២០១៧ (គ្មានស្លាកលេខ) លេខតួ GY-071529 លេខម៉ាស៊ីន 1106137 របស់ជនរងគ្រោះឈ្មោះ វ៉ែន ទូច ភេទប្រុស អាយុ ៥០ ឆ្នាំ មុខរបរលក់ដូរ មានទីលំនៅភូមិព្រែកមហាទេព សង្កាត់ស្វាយប៉ោ ក្រុង/ខេត្តបាត់ដំបង ។
វត្ថុតាងដកហូតមានម៉ូតូចនួន ០១ គ្រឿង និងកន្ត្រៃចំនួន ០១។
បច្ចុប្បន្នជនសង្ស័យ រួមនឹងវត្ថុតាង មន្ត្រីជំនាញបានកសាងសំណុំរឿង បញ្ជូនទៅតុលាការ។