កោះកុង៖ នៅព្រឹកថ្ងៃទី២២ ខែមករា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកោះកុង បានប្រារព្ធពិធីប្រជុំ បូកសរុបការងារកងរាជអាវុធហត្ថឆ្នាំ២០១៩ និងផ្សព្វផ្សាយទិសដៅផែនការការងារឆ្នាំ២០២០ និងបំពាក់មេដាយមុនីសារាភ័ណ្ឌ ជូននាយអាវុធហត្ថចំនួន ០៩ រូប ដែលមានស្នាដៃឆ្នើមក្នុងការបង្ក្រាបបទល្មើសគ្រឿងញៀន ក្រោមអធិបតីភាពលោក ឧត្តមសេនីយ៍ត្រី ថុង ណារុង មេបញ្ជាការកងរាជអាវុធហត្ថខេត្តកោះកុង ក្នុងនោះមានការចូលរួមពីលោកមេបញ្ជាការរង នាយរងសេនាធិការ នាយលេខាធិការដ្ឋាន ប្រធានមន្ទីរ(ស្តីទី) នាយការិយាល័យ យេនឌ័រ និងមេបញ្ជាការ មេបញ្ជាការរង មូលដ្ឋាន កងរាជអាវុធហត្ថក្រុង-ស្រុក ស្នាក់ការសន្តិសុខ ព្រមទាំងនាយ នាយរង និងពលអាវុធហត្ថដែលមានការពាក់ព័ន្ធជាច្រើនរូបទៀត។