រតនគិរី៖ នៅវេលាម៉ោង ១២ និង ០០នាទី ថ្ងៃទី៣១ ខែមករា ឆ្នាំ២០២០ នៅចំណុចភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី កម្លាំងមូលដ្ឋាន កងរាជអាវុធហត្ថក្រុងបានលុង ដឹកនាំដោយលោក វរសេនីយ៍ត្រី ហៃ វណ្ណារ៉ា មេបញ្ជាការក្រុង បានឃាត់ខ្លួនជនសង្ស័យ ចំនួន០៤នាក់ ពាក់ព័ន្ធករណីរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន និងនៅវេលាម៉ោង ១២និង ២០នាទី ថ្ងៃដដែលនៅចំណុចភូមិអូរកន្តិល សង្កាត់បឹងកន្សែង ក្រុងបានលុង កម្លាំងមូលដ្ឋាន កងរាជអាវុធក្រុងបានលុង និង កម្លាំងអាវុធហត្ថខេត្ត ដឹកនាំដោយលោក វរសេនីយ៍ត្រី នាង បូណា នាយការិយាល័យបទល្មើសគ្រឿងញៀន បានឃាត់ខ្លួនជនសង្ស័យ ចំនួន០៦នាក់ ពាក់ព័ន្ធករណីរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន។
សរុបដកហូតវត្ថុតាងទាំងពីករណីមានថ្នាំញៀនម៉ាទឹកកក ០៤កញ្ចប់, ដាវចំនួន ០២ដើម, ទូរស័ព្ទចំនួន ០២គ្រឿង និងឧបករណ៍សម្រាប់សេព មួយចំនួន។
បច្ចុប្បន្នមន្ត្រីជំនាញកងរាជអាវុធហត្ថខេត្តកំពុងបន្តនីតិវិធី។