កោះកុងៈ នៅវេលាម៉ោង១២ និង៤៥ ថ្ងៃទី៩ ខែមិថុនា ឆ្នាំ២០១៦
កម្លាំងកងរាជអាវុធហត្ថខេត្តចំនួន៣០នាក់ ដឹកនាំបញ្ជាដោយ ឯកឧត្តម ឧត្តមសេនីយ៍ត្រី ថុង ណារុង បានចុះបង្រ្កាបករណីជួញដូរគ្រឿងញៀនខុសច្បាប់មួយកើតឡើង នៅចំណុចភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង។
បើតាមសំដីភ្នាក់ GRK News បានឱ្យដឹងថា កម្លាំងអាវុធហត្ថក្រុងកោះកុង បានធ្វើការចាប់បានជនសង្ស័យចំនួន០៤នាក់រួមមាន៖
០១. ដារ៉ូ (ហៅម៉ាប់) ភេទ ប្រុស អាយុ៤០ឆ្នាំ ជនជាតិខ្មែរ មុខរបបចិញ្ចឹមត្រី មានទី
លំនៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង (ជាមេខ្លោងចែកចាយគ្រឿងញៀន )។
០២. សេង ហួរ ភេទប្រុស អាយុ១៧ឆ្នាំ ជនជាតិខ្មែរ មុខរបបសិស្សថ្នាក់ទី9 វិទ្យាល័យប៉ាក់ខ្លង ស្រុកមណ្ឌលសីមា ខេត្តកោះកុង (ចែកចាយ និងប្រើប្រាស់ ) ។
០៣. ឈឿន ថា ភេទប្រុស អាយុ២៩ឆ្នាំ ជនជាតិខ្មែរ មុខរបបកម្មករសំណង់ មានទីលំនៅភូមិ២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង (ប្រើប្រាស់គ្រឿងញៀន) ។
០៤. ធាក់ ទុល ភេទប្រុស អាយុ២៤ឆ្នាំ ជនជាតិខ្មែរ មុខរបបកម្មករសំណង់ មានទីលំនៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង (ប្រើប្រាស់គ្រឿងញៀន) ។
+វត្ថុតាងចាប់យករួមមាន៖
០១. ថ្នាំញៀនម៉ាទឹកកកចំនួន៤៨កញ្ចប់ ទម្ងន់ស្មើ២ដំឡឹង៤ជី ។
០២. ថ្នាំញៀនមេតំហ្វេតាមីនគ្រាប់ចំនួន១០៣៨គ្រាប់
០៣. អាវុធK59 លេខ3339 មួយដើម បង់០១ គ្រាប់ចំនួន១៤គ្រាប់
០៤. សំបកអូប័រ(ហៅមាន់ចែ) ០១គ្រឿង
០៥. ម៉ាស៊ីន១២សេស០១គ្រឿង
០៦. ទូរស័ព្ទដៃចំនួន០៥ គ្រឿង
០៧. ជញ្ជីងថ្លឹងថ្នាំញៀនចំនួន០២
០៨. ដបទឹកសុទ្ធសំរាប់ជក់ថ្នាំញៀនចំនួន០៣
០៩. ដែកកេសចំនួន០៣
១០. កាបូបស្ពាយចំនួន០២
១១. ទុយោជ័រសំរាប់ជក់០១
១២. កេសដែកសំរាប់ដាក់ថ្នាំញៀន ០១
១៣. បន្ទះឬស្សីសំរាប់ រាប់ថ្នាំញៀន ចំនួន០៣
១៤. ធុងស្ពេត្រូចំនួន០១
១៥. ម៉ូតូម៉ាក វ៉េវ មួយគ្រឿង ពណ៌ខ្មៅ លាយក្រហម ចំនួន០១គ្រឿង ។
ជនសង្ស័យនិងវត្ថុតាងខាងលើ ត្រូវបានកម្លាំងកងរាជអាវុធហត្ថក្រុងកោះកុង កំពុងកសាងសំណុំរឿង ដើម្បីចាត់ការបន្តតាមនីតិវិធី។
