សៀមរាប៖ នៅវេលាម៉ោង ១៥:៣០នាទី ថ្ងៃទី០៣ ខែកុម្ភៈ ឆ្នាំ២០២០ នៅចំណុចភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប និងនៅចំណុចភូមិអភិវឌ្ឍន៍ ឃុំកន្ទួត ស្រុកស្វាយលើ ខេត្តសៀមរាប កម្លាំងអាវុធហត្ថខេត្ត និងកម្លាំងមូលដ្ឋាន កងរាជអាវុធហត្ថក្រុងសៀមរាប កម្លាំងអាវុធហត្ថស្រុកសូទ្រនិគម និងស្រុកស្វាយលើ បានឃាត់ខ្លួនជនសង្ស័យចំនួន ១២នាក់ (ស្រី០៣)នាក់ ពាក់ព័ន្ធករណីរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន នឹងបានចាប់យកវត្ថុតាងម្សៅក្រាមពណ៌ស (មេតាំហ្វេតាមីន) ចំនួន ២៤កញ្ចប់, ជញ្ជីងថ្លឹងគ្រឿងញៀន ០១គ្រឿង, ទូរស័ព្ទ ០៨គ្រឿង, ឧបករណ៍ជក់និងវេចខ្ចប់ថ្នាំងញៀនមួយចំនួន។
បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញអាវុធហត្ថខេត្ត កសាងសំណុំរឿងបញ្ជូនទៅសាលាដំបូង។