នៅវេលាម៉ោង ១៣ និង ៥០នាទីថ្ងៃទី១៧ ខែកុម្ភៈ ឆ្នាំ២០២០ កម្លាំងមូលដ្ឋាន កងរាជអាវុធហត្ថ ស្រុកកំរៀង បានចុះបង្ក្រាបករណីគ្រឿងញៀន នៅចំណុចមុខកាស៊ីណូឃ្វីន ស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង ចាប់ជនសង្ស័យបាន ០១នាក់ឈ្មោះ កៃ លឿង ភេទប្រុស អាយុ ៥៩ឆ្នាំ មុខរបរមិនប្រកដរស់នៅ ភូមិ ឃុំ ខាងលើ និងបានដកហូតវត្ថុតាងម្សៅក្រាមពណ៌សថ្លា ០២កញ្ចប់តូច និងថ្នាំគ្រាប់រាងសំប៉ែតពណ៌ក្រហមអក្សរ (WY) ចំនួន ០២គ្រាប់ និងមួយចំណិត រហូតដល់ម៉ោង ១៤ និង ៣០នាទី កម្លាំងបានបន្តស្រាវជ្រាវចាប់ខ្លួនអ្នកលក់នៅចំណុចក្រុមទី០៤ ភូមិដូង ឃុំបឹងរាំង ស្រុកកំរៀង បាត់ដំបង ដោយបានចាប់ជនសង្ស័យចំនួន ០៦នាក់បន្ថែមទៀតមានឈ្មោះ ម៉ី សារិន (ហៅឌុង) ភេទប្រុស អាយុ ៥៩ឆ្នាំ រស់នៅចំណុចខាងលើ (មេក្លោង), ឈ្មោះ ឆេង ភ័ត្រា ភេទប្រុសអាយុ៣០ឆ្នាំ (កូនប្រសារ) ឈ្មោះ ទេព វិឆៃ ភេទប្រុស អាយុ ៣៤ឆ្នាំ អ្នកនៅជាមួយ, ឈ្មោះ សេង សុខា ភេទប្រុស អាយុ ៣៣ឆ្នាំ ស្នាក់នៅជាមួយ,ឈ្មោះ ប៉ិក ពៀវ ភេទប្រុស អាយុ ២៤ឆ្នាំ ស្នាក់នៅជាមួយ និងឈ្មោះសោម សុខគា ភេទប្រុស អាយុ២៨ឆ្នាំ ស្នាក់នៅជាមួយ ព្រមទាំងដកហូតវត្ថុតាងម្សៅក្រាមពណ៌សថ្លាចំនួន ៤៨កញ្ចប់, ថ្នាំគ្រាប់ពណ៌ក្រហមរាងសំប៉ែត អក្សរ (WY)ចំនួន ៦៩៣គ្រាប់, រថយន្តចំនួន ០២គ្រឿងម៉ាកហ្វត ០១គ្រឿង និងម៉ាកលុចស៊ិសRX300=០១គ្រឿង, ប្រាក់ដុល្លារ ២៤,៥០៣ ដុល្លារ, ប្រាក់បាតថៃ ៨៣,៩១០បាត និងប្រាក់ខ្មែរ ២៧,៧១៧.០០០រៀល, ខ្សែកលោហធាតុពណ៌លឿង ១៣ខ្សែ, ខ្សែដៃលោហធាតុពណ៌លឿង ១៣ខ្សែ, ខ្សែជើងលោហធាតុពណ៌លឿង០៤ខ្សែ, ចិញ្ជៀនលោហធាតុពណ៌លឿង ១៣វង់, កងដៃលោហះធាតុពណ៌លឿង ១០កង, បណ្តោងខ្សែកលោហះធាតុពណ៌លឿង ០៥បណ្តោង និងជ័រ០១បណ្តោង និងជញ្ជីងថ្លឹងគ្រឿងញៀនចំនួន ០២គ្រឿង។
បច្ចុប្បន្ន មន្ត្រីជំនាញកងរាជអាវុធហត្ថខេត្តបាត់ដំបង បានកសាងសំណុំរឿងដើម្បីចាត់ការបន្តតាមនីតិវិធី។