ក្រចេះ៖ កាលពីវេលាម៉ោង ១៧ និង ៣០នាទី ថ្ងៃទី១៣ ខែកុម្ភៈ ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកសំបូរ សហការជាមួយកម្លាំងកងរាជអាវុធហត្ថលើផ្ទៃប្រទេស ដឹកនាំដោយ លោកវរសេនីយ៍ត្រី សូត្រ ស៊ីម មេបញ្ជាការស្រុក ចុះបង្រ្កាបបទល្មើសធនធានធម្មជាតិ(បទល្មើសព្រៃឈើ)នៅចំណុចភូមិកោះសំ ឃុំសំបូរ ស្រុកសំបូរ ខេត្តក្រចេះ ដោយបានចាប់ឃាត់រថយន្តសាំយ៉ុង ចំនួន០១គ្រឿង ឈើអារប្រភេទលេខ ២ (ឈើទាល)ចំនួន ៤៣១សន្លឹក ស្មើនឹង ២៣,៤៩៥ម៉ែត្រគីប។
បច្ចុប្បន្នវត្ថុតាងខាងលើ បានប្រគល់ជូនជំនាញសង្កាត់រដ្ឋបាលព្រៃឈើវឌ្ឍនៈដើម្បីថែរក្សាទុក។
