ស្ទឹងត្រែងៈ វេលាម៉ោង០៩ និង៣៥នាទី ថ្ងៃទី១៣ ខែមិថុនា ឆ្នាំ២០១៦ កម្លាំងកងរាជអាវុធហត្ថខេត្តស្ទឹងត្រែង បានធ្វើការបង្ក្រាបករណីជួញដូរនូវសារធាតុញៀន ០១លើក ស្ថិតនៅចំណុចស្រែសំគង់ ភូមិលើ សង្កាត់ស្រះឫស្សី ក្រុងស្ទឹងត្រែង ខេត្តស្ទឹងត្រែង។
បើតាមសំដីភ្នាក់ងារ GRK News បានរៀបរាប់ថា កម្លាំងបានធ្វើការរៀបរាប់ថា កម្លាំងកងរាជអាវុធហត្ថខេត្តស្ទឹងត្រែង បានឃាត់ខ្លួនជនសង្ស័យចំនួន០៣នាក់ រួមមាន៖
០១. អ៊ុំ ឡា ភេទប្រុស អាយុ៤៨ ជាតិខ្មែរ មុខរបរកម្មករសំណង់ ទីលំនៅភូមិបឹងកក់ សង្កាត់បឹងកក់២ ខណ្ឌទួលគោក រាជធានីភ្នំពេញ។
០២. ង្វៀង ហុងចូវ ភេទប្រុស អាយុ៦១ ជាតិវៀតណាម មុខរបរ ម៉ៅការសំណង់ ទីលំនៅ ភូមិ១សង្កាត់វ៉ាហ្វូ ក្រុងហូជីមីង ប្រទេសវៀតណាម។
០៣. ខាន់ យុង ភេទប្រុស អាយុ៤៩ ជនជាតិវៀតណាម មុខរបរ ជាងសំណង់ ទីលំនៅភូមិដើមពោធិ៍ ឃុំកណ្ដៀង ស្រុកស្វាយទាប ខេត្តស្វាយរៀង។
+វត្ថុតាងចាប់យករួមមាន៖
០១. ថ្នាំញៀនប្រភេទម៉ាទឹកកកចំនួន ០១កញ្ចប់ ទម្ងន់ស្មើ ៩៩៧.៩ក្រាម
០២. ម៉ូតូចំនួន ០២គ្រឿង
០៣. ទូរស័ព្ទដៃចំនួន ០៣ គ្រឿង
០៤. លុយខ្មែរចំនួន ១៤ម៉ឺនរៀល។
ជនងសង្ស័យ និងវត្ថុតាង ត្រូវកម្លាំងកងរាជអាវុធហត្ថខេត្តស្ទឹងត្រែង កំពុងកសាងសំណុំរឿង ដើម្បីចាត់ការបន្តតាមនីតិវិធី។
