កំពត៖ នៅវេលាម៉ោង ១៥ និង ៤៥នាទី ថ្ងៃទី២៨ ខែកុម្ភៈ ឆ្នាំ២០២០ កម្លាំងការិយាល័យបទល្មើសគ្រឿងញៀនកងរាជអាវុធហត្ថខេត្តកំពត ដោយមានការសម្របសម្រួលនីតិវិធីពីលោក ខា ដែនណា ព្រះរាជអាជ្ញារង អមសាលាដំបូងខេត្តកំពត កម្លាំងបានចុះបង្ក្រាបករណី គ្រឿងញៀននៅចំណុចភូមិកំពង់ត្រាច ឃុំកំពង់ត្រាច ស្រុកកំពង់ត្រាច ខេត្តកំពត ដោយបានធ្វើការឃាត់ខ្លួនជនសង្ស័យចំនួន ០៣នាក់ឈ្មោះ ង៉ូវ សុជា អាយុ ៣៥ ឆ្នាំ មុខរបរធ្វើការកាស៊ីណូ រស់នៅភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត, ឈ្មោះ គង់ វុធធី ភេទប្រុស អាយុ ២៧ឆ្នាំ មុខរបរកម្មករ ភូមិអង់រពាក់ឃុំអង់រពាក់ ស្រុកដងទង់ ខេត្តកំពត និងឈ្មោះ ហួន ចាន្នី ភេទស្រី អាយុ ៣៥ឆ្នាំ មុខរបរលក់នំ រស់នៅភូមិកំពង់ត្រាច ឃុំកំពង់ត្រាច ស្រុកកំពង់ត្រាច ខេត្តកំពត។
កម្លាំងបានចាប់យកវត្តុតាងគ្រឿងញៀនចំនួន ៣កញ្ចប់ធំ និង២៤ កញ្ចប់តូច និងឧបករណ៍ជក់ថ្នាំចំនួន១សម្រាប់។
បច្ចុប្បន្នជនសង្ស័យ មន្ត្រីជំនាញបានកសាងសំណុំរឿង បញ្ជូនទៅអយ្យការអមសាលាដំបូងខេត្ត ដើម្បីបន្តនីតិវិធី។