ភ្នំពេញៈ វេលាម៉ោង០៩ និង៤០នាទី ថ្ងៃទី១៣ ខែមិថុនា ឆ្នាំ២០១៦ កម្លាំងមូលដ្ឋានកងរាជអាវុធហត្ថខណ្ឌដូនពេញ បានធ្វើការបង្ក្រាប និងឃាត់ខ្លួនស្ត្រីម្នាក់ ពាក់ព័ន្ធករណីជួញដូរនូវសារធាតុញៀន ០១លើក ស្ថិតនៅចំណុចផ្លូវ១៦៦ សង្កាត់ អូរឬស្សីទី២ រាជធានីភ្នំពេញ ។
បើតាមសំដីភ្នាក់ងារ GRK News បានរៀបរាប់ថា កម្លាំងមូលដ្ឋាន កងរាជអាវុធហត្ថខណ្ឌដូនពេញ បានឃាត់ខ្លួនជនសង្ស័យ ស្របពេល ជនសង្ស័យកំពុងយកគ្រឿងញៀននោះ មកលក់អោយអ្នកប្រើប្រាស់។
កម្លាំងបានបន្តឱ្យដឹងទៀតថា ជនសង្ស័យមានឈ្មោះ ចាន់ អេង ភេទ ស្រី អាយុ៥៥ឆ្នាំ ជនជាតិខ្មែរ
មុខរបរ មេផ្ទះ ស្នាក់នៅផ្ទះលេខ២៩ផ្លូវ១៣ សង្កាត់ផ្សារចាស់ ខណ្ឌដូនពេញ ។
+វត្ថុតាងចាប់យករួមមាន៖
០១. ថ្នាំញៀនប្រភេទម៉ាទឹកកកចំនួន ០១កញ្ចប់ធំ
០២. ទូរស័ព្ទដៃចំនួន ០២ គ្រឿង
០៣. លុយខ្មែរចំនួន ២ម៉ឺន ៣ពាន់ រៀល។
ជនងសង្ស័យ និងវត្ថុតាង ត្រូវកម្លាំងមូលដ្ឋាន កងរាជអាវុធហត្ថខណ្ឌដូនពេញ កំពុងកសាងសំណុំរឿងបញ្ចូនកងរាជអាវុធហត្ថរាជធានី ដើម្បីចាត់ការបន្តតាមនីតិវិធី។