ព្រះវិហារៈ វេលាម៉ោង១២ និង៣០នាទី ថ្ងៃទី១៤ ខែមិថុនា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកជ័យសែន បានធ្វើការឃាត់ខ្លួនបុរសម្នាក់ ពីបទប្រើប្រាស់ហិង្សាក្នុងគ្រួសារ ស្ថិតនៅចំណុចភូមិអូរផ្អាវ ឃុំស្អាង ស្រុកជ័យសែន ខេត្តព្រះវិហារ ។
បើតាមសំដីភ្នាក់ងារ GRK News បានរៀបរាប់ថា ជនសង្ស័យបានយកចបជីកវាយ ទៅលើប្រពន្ធឈ្មោះ ប្រាក់ លាត អាយុ៤០ ឆ្នាំ បណ្តាលអោយរងរបួសធ្ងន់។
កម្លាំងបានបន្តឱ្យដឹងទៀតថា ជនសង្ស័យមានឈ្មោះ ឡាយ ឈី ភេទប្រុស អាយុ៤៣ឆ្នាំ មុខរបរកសិករ មានទីលំនៅភូមិអូរផ្អាវ ឃុំស្អាង ស្រុកជ័យសែន ខេត្តព្រះវិហារ ។
បច្ចុប្បន្នជនសង្ស័យត្រូវបានបញ្ជូនមក បញ្ជាការដ្ឋានកងរាជអាវុធហត្ថខេត្ត កសាងសំណុំរឿង ដើម្បីចាត់ការបន្តតាមនីតិវិធី។