បាត់ដំបង៖ នៅវេលាម៉ោង ១០:៤០នាទី ថ្ងៃទី២០ ខែមីនា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកសំឡូត បានបង្ក្រាបករណីរក្សាទុក ចែកចាយ ឬជួញដូរដោយខុសច្បាប់នូវសារធាតុញៀន ដោយឃាត់ខ្លួនបានជនសង្ស័យ ចំនួន ០២នាក់ឈ្មោះ សាន់ សុភ័ណ្ឌ (ហៅង៉ា) ភេទប្រុស អាយុ ២៧ឆ្នាំ មុខរបរធ្វើចំការ រស់នៅភូមិស្រែជីពៅ ឃុំមានជ័យ ស្រុកសំឡូត ខេត្តបាត់ដំបង និងឈ្មោះ រ៉េត ចេង ភេទប្រុស អាយុ ១៩ឆ្នាំ មុខរបរធ្វើចំការ រស់នៅភូមិស្រែជីពៅ ឃុំមានជ័យ ស្រុកសំឡូត ខេត្តបាត់ដំបង។ វត្ថុតាងដកហូតរួមមានគ្រឿងញៀនប្រភេទម៉ាទឹកកកចំនួន ០១កញ្ចប់, កាំភ្លើងកែច្នៃ ០១ដើម(កាំភ្លើងខ្យល់), កាំបិតសាំងគីមចំនួន ០២ដើម ប្រវែង៥០ស.ម និងទូរស័ព្ទដៃចំនួន ០២គ្រឿង។
បច្ចុប្បន្នជនសង្ស័យ ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿងតាមនីតិវិធី។
