បាត់ដំបង៖ នៅវេលាម៉ោង ២២:៣០ នាទី ថ្ងៃទី២៨ ខែមីនា ឆ្នាំ២០២០ នៅត្រង់ចំណុចមុខផ្ទះជួល (ខាងត្បូងរង្វង់មូលលោកយាយទេព) ស្ថិតក្នុងភូមអង់ សង្កាត់អូរចារ ក្រុង/ខេត្តបាត់ដំបង កម្លាំងមូលដ្ឋាន កងរាជអាវុធហត្ថក្រុងបាត់ដំបង បានចុះធ្វើការបង្ក្រាបករណីគ្រឿងញៀនដោយឃាត់ខ្លួនជនសង្ស័យចំនួន ០២ នាក់ឈ្មោះ ស៊ុំ សឿនសុវណ្ណារ័ត្ន ភេទប្រុស អាយុ ២៣ ឆ្នាំ មុខរបរមិនពិតប្រាកដ មានទីលំនៅផ្ទះលេខ ១៣០ ក្រុមទី០៦ ភូមិអង់ សង្កាត់អូរចារ ក្រុង/ខេត្តបាត់ដំបង និងឈ្មោះ ញាណ គួស៊ី ភេទប្រុស អាយុ ២២ ឆ្នាំ មុខរបរមិនពិតប្រាកដ មានទីលំនៅក្រុមទី២៧ ភូមិអូរតាគាំ២ សង្កាត់ទួលតាឯក ក្រុង/ខេត្តបាត់ដំបង ។
វត្ថុតាងដកហូតរួមមានថ្នាំញៀនប្រភេទម្សៅក្រាមពណ៌សរឹងថ្លា (ទឹកកក) ចំនួន ០២ កញ្ចប់, ម៉ូតូចំនួន ០១ គ្រឿង, ទូរស័ព្ទដៃចំនួន ០២ គ្រឿង និងកាំបិតសាំម៉ូរ៉ៃ ០១ ដើម។
បច្ចុប្បន្នជនសង្ស័យ រួមនឹងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿងបន្តតាមនីតិវីធី។