ក្រចេះ៖ នៅនៅវេលាម៉ោង ២០ និង ៣០នាទី ថ្ងៃទី២៩ ខែមីនា ឆ្នាំ២០២០ កម្លាំងមូលដ្ឋាន កងរាជអាវុធហត្ថក្រុងក្រចេះ ដឹកនាំដោយលោក វរសេនីយ៍ត្រី ផាត សុភ័ក្រ្កវាសនា មេបញ្ជាការ មូលដ្ឋាន កងរាជអាវុធហត្ថក្រុងក្រចេះ ចុះបង្ក្រាបក្មេងទំនើងមួយក្រុម (ប្រើអំពើហិង្សាបង្ករបួសស្នាម) នៅចំណុចមុខវត្តមច្ឆា ស្ថិតភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ លទ្ធផលឃាត់ជនសង្ស័យ (ជនបង្ករ) បានចំនួន ៤ នាក់ឈ្មោះ ហ៊ឹម សុធារិទ្ធ ភេទប្រុស អាយុ ២០ ឆ្នាំ ជនជាតិខ្មែរ មុខរបរកម្មករ រស់នៅភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ, ឈ្មោះ ឌិន រដ្ឋា ភេទប្រុស អាយុ ២១ឆ្នាំជនជាតិខ្មែរ រស់នៅភូមិក្រចេះ សង្កាត់ក្រចេះក្រុងក្រចេះ ខេត្តក្រចេះ មុខរបរកាប់ជ្រូក នៅកុងស៊ីក្រចេះ, ឈ្មោះ វង្ស វល័ក្ក ភេទប្រុសអាយុ២០ ឆ្នាំជនជាតិខ្មែរ រស់នៅភូមិក្រចេះ សង្កាត់ក្រចេះ ក្រុងក្រចេះ ខេត្តក្រចេះ មុខរបរមិនពិតប្រាកដ, ឈ្មោះ អ៊ុក សេងហុង ភេទប្រុស អាយុ២០ ឆ្នាំជនជាតិខ្មែរ រស់នៅភូមិបន្ទាយ ឃុំគោលាប់ ស្រុកចិត្របុរី ខេត្តក្រចេះ មុខរបរ កម្មករ វត្ថុតាងចាប់យករួមមាន ទូរស័ព្ទចំនួន៣ គ្រឿង, ដែករាងអក្សរ T (សំរាប់កាច់កម៉ូតូ) ចំនួន ១, ខ្សែក្រវ៉ាត់ក្បាលដែកចំនួន ២, ដែកកេះចំនួន ៣, ម៉ូតូចំនួន០២ គ្រឿង ក្រុមនេះបានបង្កឲ្យមានរបួសស្នាមទៅលើជនរងគ្រោះឈ្មោះ រដ្ឋា ចាន់ណារ៉េត ភេទប្រុសអាយុ ២៧ ឆ្នាំជនជាតិ ខ្មែររស់នៅភូមិកន្ទ្រីង សង្កាត់អូរឫស្សី ក្រុងក្រចេះ ខេត្តក្រចេះ មុខរបរកម្មករ។
បច្ចុប្បន្នជនសង្ស័យ ត្រូវបានមន្ត្រីជំនាញកងរាជអាវុធហត្ថកសាងសំណុំរឿង ដើម្បីចាត់ការតាមនីតិវិធី។