សៀមរាបៈ នៅវេលាម៉ោង១០ និង៣០នាទី ថ្ងៃទី១៦ ខែមិថុនា ឆ្នាំ២០១៦ កម្លាំងការិយាល័យបទល្មើសគ្រឿងញៀនក្រុងសៀមរាប បានធ្វើការឃាត់ខ្លួនបុរសម្នាក់ ពាក់ព័ន្ធករណីចែកចាយ និងប្រើប្រាស់នូវសារធាតុញៀន ស្ថិតនៅចំណុច ភូមិវត្តស្វាយ សង្កាត់ស្សាលាកំរើកក្រុងសៀមរាបខេត្តសៀមរាប។
កម្លាំងបានបន្តឱ្យដឹងទៀតថា ជនសង្ស័យដែលត្រូវកម្លាំងអាវុធហត្ថធ្វើការឃាត់ខ្លួន មានឈ្មោះ អ៊ឹង វុទ្ធីភេទប្រុស អាយុ២១ឆ្នាំ មុខរបរ ជាងជួសជុលរថយន្ត ទីលំនៅបច្ចុប្បន្ន ភូមិវត្តស្វាយ សង្កាត់សាលាកំរើក ក្រុងសៀមរាប ខេត្តសៀមរាប។
+វត្ថុតាងចាប់យករួមមាន៖
០១. ថ្នាំញៀនចំនួន ០២កញ្ចប់ ដែលមានទម្ងន់ស្មើ ០.៩៩ក្រាម
០២. ទូរស័ព្ទដៃចំនួន ០១ គ្រឿង
ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថក្រុងសៀមរាប កំពុងសាងសំណុំរឿង ដើម្បីចាត់ការបន្តតាមនីតិវិធី។