ព្រះសីហនុ៖ នៅវេលាម៉ោង ១៧:៣០នាទី ថ្ងៃទី០៣ ខែមេសា ឆ្នាំ២០២០ កម្លាំងការិយាល័យបទល្មើសគ្រឿងញៀន ដឹកនាំដោយ វរសេនីយ៍ត្រី ឡុង គឹមហួរ នាយការិយាល័យ ចុះឃាត់ខ្លូនជនសង្ស័យចំនួន០២នាក់ ពាក់ព័ទ្ធករណីគ្រឿងញៀន នៅក្រុម១៦ ភូមិ០២ សង្កាត់០៣ ក្រុងព្រះសីហនុ ជនសង្ស័យមានឈ្មោះ កែត សិរីវុទ្ធថន (ហៅតឹក) ជាមេខ្លោងធំ ភេទប្រុស អាយុ ៣៦ឆ្នាំ ជនជាតិខ្មែរ មុខរបរជាងទូរស័ព្ទ និងឈ្មោះ ចិត្ត សំរ៉ុង ភេទប្រុស អាយុ ២៧ឆ្នាំ ជនជាតិខ្មែរ មុខរបរជាងទូរស័ព្ទ (មុខសញ្ញាចាស់)។
កម្លាំងបានដកហូតវត្ថុតាងម្សៅក្រាមសថ្លាចំនួន ០១កញ្ចប់, ទូរស័ព្ទចំនួន០១ គ្រឿង, ជញ្ជីងចំនួន០១ គ្រឿង និងថង់ខ្ចប់ថ្នាំមួយចំនួន បច្ចុប្បន្នកម្លាំងការិយាល័យជំនាញកំពុងបន្តនីតិវិធី។