ស្វាយរៀង៖ នៅវេលាម៉ោង ០១:៤៥នាទី ថ្ងៃទី០៥ ខែមេសា ឆ្នាំ២០២០ នៅចំណុចភូមិជ្រៃធំ សង្កាត់ព្រៃអង្គុញ ក្រុងបាវិត ខេត្តស្វាយរៀង មានករណីអគ្គីភ័យបានកើតឡើងនៅចំការប្រេងខ្យល់ របស់ប្រជាពលរដ្ឋមួយកន្លែង ក្រោយពីទទួលបានដំណឹងភ្លាម កម្លាំងមូលដ្ឋានកងរាជអាវុធហត្ថក្រុងបាវិត សហការជាមួយកម្លាំងមូលដ្ឋានកងរាជអាវុធហត្ថខេត្តស្វាយរៀង កម្លាំងមូលដ្ឋានកងរាជអាវុធហត្ថស្រុកកំពង់រោទិ៍ កម្លាំងមូលដ្ឋានកងរាជអាវុធហត្ថស្រុកស្វាយទាប កម្លាំងមូលដ្ឋានកងរាជអាវុធហត្ថស្រុកចន្ទ្រា និងកម្លាំងនគរបាល រថយន្តពន្លត់អគ្គីភ័យចំនួន ០៥គ្រឿង (រថយន្តពន្លត់អគ្គីភ័យកងរាជអាវុធហត្ថចំនួន ០២គ្រឿង និងរថយន្តពន្លត់អគ្គីភ័យនគរបាលចំនួន ០៣គ្រឿង)។ ដឹកនាំដោយលោក លឹម សៀងហេង អភិបាលក្រុងបាវិត និងលោកវរសេនីយ៍ទោ ខាំ ណាន មេបញ្ជាការ មូលដ្ឋានកងរាជអាវុធហត្ថក្រុងបាវិត បានជួយពន្លត់អគ្គីភ័យឆាបឆេះចំការប្រេងខ្យល់មួយកន្លែងសរុបចំនួន ០៨ហិចតាកន្លះ ដោយបានប្រើប្រាស់ទឹកអស់ចំនួន ០៩ រថយន្ត។ ករណីនេះពុំទាន់ដឹងពីមូលហេតុច្បាស់លាស់នៅឡើយទេ សមត្ថកិច្ចកំពុងធ្វើការស្រាវជ្រាវ។