អហ កណ្តាល៖ វេលាម៉ោង១៨និង៣៥នាទី ថ្ងៃទី១៤ ខែសីហា ឆ្នាំ២០១៥ កម្លាំងអាវុធហត្ថស្រុកអង្គស្នួល បានឃាត់ខ្លួនជនសង្ស័យម្នាក់ប្រើអំពើហិង្សាក្នុងគ្រួសារ។ ជនសង្ស័យបានផឹកស៊ីស្រវឹងមកដល់ផ្ទះវៃនិងយកកំបិតចាក់ប្រពន្ធ ព្រមទាំងយកចបជីកដេញវៃប្រពន្ធនិងកូន រួចវាយបំផ្លាញសម្ភារៈក្នុងផ្ទះរបស់ខ្លួនទៀត។ ក្រោយទទួលបានព័ត៌មាន កម្លាំងអាវុធហត្ថ ចុះដល់កន្លែងកើតហេតុ នៅចំណុចផ្ទះ(ជនរងគ្រោះ)លក់នំបុ័ងយីហោ ឈាង ម៉េងហុង ស្ថិតនៅក្នុងភូមិចុងបង្គោល ឃុំបែកចាន ស្រុកអង្គស្នួល ខេត្តកណ្តាល ហើយក៏នាំខ្លួនជនសង្ស័យមកសាកសួកនៅមូលដ្ឋានកងរាជអាវុធហត្ថស្រុកអង្គស្នួល។ ជនសង្ស័យ ឈ្មោះ ឈាង សាម៉េត អាយុ៤៦ឆ្នាំ មុខរបរ លក់នំបុ័ង រស់នៅភូមិ ឃុំកើតហេតុខាងលើ។ ជនរងគ្រោះ ឈ្មោះ ប៉ិច ចន្ធី អាយុ៣៦ឆ្នាំ ត្រូវជាប្រពន្ធរបស់ជនសង្ស័យ មុខរបរលក់នំបុ័ង។ វត្ថុតាងចាប់យក៖ ចបជីក ០១ និងកាំបិតកាត់នំ ០១។
