សៀមរាបៈ នៅវេលាម៉ោង២០ និង៣០នាទី ថ្ងៃទី១៨ ខែមិថុនា ឆ្នាំ២០១៦ កម្លាំង កងរាជអាវុធហត្ថក្រុងសៀមរាប បានធ្វើការឃាត់ខ្លួនជនសង្ស័យចំនួន០៨នាក់ ដែលជាជនសកម្មក្នុងការចែកចាយ និងប្រើប្រាស់នូវសារធាតុញៀន ស្ថិតនៅចំណុច ភូមិ បន្ទាយចាស់ សង្កាត់ស្លក្រាមក្រុងសៀមរាបខេត្តសៀមរាប និងចំណុចភូមិខ្នា សង្កាត់ជ្រាវ ក្រុងសៀមរាប ខេត្តសៀមរាប។
បើតាមសំដីភ្នាក់ងារ GRK News បានឱ្យដឹងថា ជនសង្ស័យទាំង០៨នាក់នោះមានឈ្មោះ ៖
០១. គង់ រដ្ឋា ភេទប្រុស អាយុ ៥១ឆ្នាំ មុខរបរ រត់ម៉ូតូឌុប ទីលំនៅបច្ចុប្បន្ន ភូមិបន្ទាយចាស់ សង្កាត់ស្លក្រាមក្រុងសៀមរាប ខេត្តសៀមរាប។
០២. រៀម សុឡម ភេទប្រុស អាយុ ៣៤ឆ្នាំ មុខរបររត់ម៉ូតូឌុប
ទីលំនៅបច្ចុប្បន្នភូមិ ចុងកៅស៊ូ សង្កាត់ស្លក្រាមក្រុងសៀមរាប ខេត្តសៀមរាប។
០៣. ហ៊ាង គឹមហាក់ ភេទប្រុស អាយុ ២៦ឆ្នាំ មុខរបរ លក់ដូរ ទីលំនៅបច្ចុប្បន្ន ភូមិកន្ត្រកថ្មី សង្កាត់ស្វាយដង្គុំ ក្រុងសៀមរាប ខេត្តសៀមរាប។
០៤. ហ៊ាង គឹមហាក់ ភេទប្រុស អាយុ ២៦ឆ្នាំ មុខរបរ លក់ដូរ ទីលំនៅបច្ចុប្បន្ន ភូមិ កន្ត្រកថ្មី សង្កាត់ស្វាយដង្គុំ ក្រុងសៀមរាប ខេត្តសៀមរាប។
០៥. ចាន់ ស្រីភក្តិ ភេទស្រី អាយុ ១៨ ឆ្នាំ មុខរបរ មិនពិតប្រាកដ ទីលំនៅបច្ចុប្បន្ន ភូមិ ឃ្វៀន សង្កាត់គោកចក ក្រុងសៀមរាបខេត្តសៀមរាប។
០៦. សេង សុម៉ាប់ ភេទប្រុស អាយុ១៩ឆ្នាំ មុខរបរ បុគ្គលិកម៉ាស្សា ទីលំនៅបច្ចុប្បន្នភូមិខ្នា សង្កាត់ ជ្រាវ ក្រុងសៀមរាបខេត្តសៀមរាប។
០៧. ជាភារម្យ ភេទប្រុស អាយុ ១៧ ឆ្នាំ មុខរបរគ្មាន ទីលំនៅភូមិខ្នា សង្កាត់ជ្រាវ ក្រុងសៀមរាប ខេត្តសៀមរាប។
០៨. ស្មាន់់ រ៉ូសែត ភេទប្រុស អាយុ ១៥ ឆ្នាំ មុខរបរសិស្ស ទីលំនៅបច្ចុប្បន្នភូមិជ្រាវ សង្កាត់ ជ្រាវ ក្រុងសៀមរាប ខេត្តសៀមរាប។
ភ្នាក់ងារបានបន្តឱ្យដឹងទៀតថា កម្លាំងបានធ្វើការ ចាប់យកវត្ថុតាងមួយចំនួនរួមមាន៖
០១. ថ្នាំញៀនចំនួន ១៧ កញ្ចប់ ដែលមានទម្ងន់ស្មើ ១២.៥ក្រាម
០២. ទូរស័ព្ទចំនួន ០៨គ្រឿង និងថង់ច្រកសារធាតុញៀន ឧបករណ៍វេចខ្ចប់ ឧបករណ៍ប្រើប្រាស់មួយចំនួនធំ។
ជនសង្ស័យ និងវត្ថុតាង ត្រូវកម្លាំងមូលដ្ឋានកងរាជអាវុធហត្ថក្រុងសៀមរាប កំពុងកសាងសំណុំរឿង ដើម្បីចាត់ការបន្តតាមនីតិវិធី។