តាកែវៈ នៅវេលាម៉ោង២០ និង៤០នាទី ថ្ងៃទី១៨ ខែមិថុនា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកត្រាំកក់ បានធ្វើការឃាត់ខ្លួនជនសង្ស័យចំនួន០៣នាក់ ពាក់ព័ន្ធករណីរក្សាទុក និងប្រើប្រាស់នូវសារធាតុញៀន ស្ថិតនៅចំណុចភូមិអង្គតាសោម ឃុំអង្គតាសោម ស្រុកត្រាំកក់ ខេត្តតាកែវ។
បើតាមសំដីកម្លាំងកងរាជអាវុធហត្ថស្រុកត្រាំកក់ បានប្រាប់ភ្នាក់ងារ GRK News ឱ្យដឹងថា ជនសង្ស័យទាំង០៣នាក់នោះមានឈ្មោះ ៖
០១. ឡាយ លី ភេទស្រី អាយុ៣៤ឆ្នាំ មុខរបរ លក់បាយ ទីលំនៅ (កន្លែងកើតហេតុ)
០២. ជិន ភារិទ្ធ ភេទប្រុស អាយុ៣១ឆ្នាំ មុខរបរមិនពិតប្រាដក ទីលំនៅ (កន្លែងកើតហេតុ)
០៣. ប៉ាន់ ធូន ភេទប្រុស អាយុ ១៥ឆ្នាំ មុខរបរ មិនពិតប្រាកដ ទីលំនៅ (កន្លែងកើតហេតុ)

កម្លាំងបានបន្តឱ្យដឹងទៀតថា កម្លាំងបានធ្វើការ ចាប់យកវត្ថុតាងមួយចំនួនរួមមាន៖
០១. ថ្នាំញៀនចំនួន ០១ កញ្ចប់ ដែលមានទម្ងន់ស្មើ ០.៥៥ក្រាម
០២. ទូរស័ព្ទចំនួន ០៦គ្រឿង
០៣. ម៉ូតូចំនួន ០២គ្រឿង
០៤. ដាវសាមូរ៉ៃ ចំនួន ០៣ដើម
០៥. ប្រាក់ខ្មែរចំនួន ៦ម៉ឺន និងដុល្លាចំនួន៥ដុល្លា
០៦. សំភារះ វិចខ្ចប់ និងសំភារះប្រើប្រាស់មួយចំនួន។
ជនសង្ស័យ និងវត្ថុតាង ត្រូវកម្លាំងមូលដ្ឋានកងរាជអាវុធហត្ថស្រុកត្រាំកក់ កំពុងកសាងសំណុំរឿង បញ្ចូនទៅកងរាជអាវុធហត្ថខេត្ត ដើម្បីចាត់ការបន្តតាមនីតិវិធី។