ក្រចេះ៖ រសៀលថ្ងៃព្រហស្បតិ៍ ទី០៩ ខែមេសា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តក្រចេះ បានធ្វើពិធីប្រកាសចូលកាន់មុខតំណែង មេបញ្ជាការ មូលដ្ឋានក្រុងក្រចេះ និងផ្លាស់ប្ដូរមុខងារ ដល់នាយទាហាន នាយទាហានរង កងរាជអាវុធហត្ថខេត្តក្រចេះ ចំនួន ០៥ នាក់ ។ ពិធីនេះធ្វើប្រព្រឹត្តិទៅក្រោមអធិបតីភាពលោក ឧត្ដមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ លោក សំ ស៊ា ប្រធានក្រុមប្រឹក្សាក្រុងក្រចេះ និងលោក នូ សុផល គណៈអភិបាលរងក្រុងក្រចេះ នឹងមានការអញ្ជើញចូលរួមពីសំណាក់ អស់លោក មេបញ្ជាការរង នាយរងសេនាធិការរដ្ឋាន ប្រធាន/អនុមន្ទីរ នាយការិយាល័យ មេបញ្ជាការរងតំបន់សឹករងក្រុងក្រចេះ អធិការរងក្រុងក្រចេះ និង អស់លោក ជាមន្ត្រីសាលាក្រុងក្រចេះ និងមេឃុំ ចៅសង្គាត់។