កែប៖ នៅវេលាម៉ោង ២១ និង១៥ នាទីថ្ងៃទី១០ ខែមេសា ឆ្នាំ២០២០ កម្លាំងមូលដ្ឋាន កងរាជអាវុធហត្ថក្រុងកែប ដឹកនាំដោយលោក អនុសេនីយ៍ឯក មៀច ប៊ុនថា មេបញ្ជាការមូលដ្ឋានក្រុង បានឃាត់ខ្លួនជនសង្ស័យ១នាក់ នៅចំណុចផ្លូវលេខ៣៣ ស្ថិតក្នុងភូមិកែវក្រសាំង សង្កាត់កែប ក្រុងកែប ពាក់ពន្ធ័ករណីគ្រឿងញៀន។ ជនសង្ស័យឈ្មោះ វណ្ណ បញ្ញា ភេទប្រុស អាយុ ១៨ឆ្នាំ មុខរបរមិនពិតប្រាកដ មានទីលំនៅ ភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប។
សម្ភារៈដកហូតរួមមានម៉ូតូ ០១គ្រឿង និងទូរស័ព្ទម៉ាក ១គ្រឿង
បច្ចុប្បន្នជនសង្ស័យ និងវត្ថុតាង មន្ត្រីជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តរួច។