កណ្តាល៖ ថ្ងៃទី១០ ខែមេសា ឆ្នាំ២០២០ មានករណីហិង្សាដោយចេតនាមានស្ថានទម្ងន់ទោស (កាប់នឹងដាវ) មួយកើតឡើង នៅចំណុចលើផ្លូវបេតុងខាងក្រោយវត្តឈើខ្មៅ ស្ថិតនៅភូមិឈើខ្មៅ ឃុំឈើខ្មៅ ស្រុកកោះធំ ខេត្តកណ្តាល។ បង្កឡើងដោយជនសង្ស័យឈ្មោះ សេង ហេង ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅឃុំឈើខ្មៅ ស្រុកកោះធំ ខេត្តកណ្តាល(ឃាត់ខ្លួន)។ ជនរងគ្រោះចំនួន ០២នាក់ឈ្មោះ សុផល ភេទប្រុស អាយុ ២៩ឆ្នាំ ជនជាតិខ្មែរ មុខរបរលក់ដូរ របួសត្រង់ស្មាខាងឆ្វេង ស្រាល និងឈ្មោះ សុវណ្ណ ភេទប្រុស អាយុ៣៤ឆ្នាំ ជនជាតិខ្មែរ មុខរបរជាងដែក របួសចង្អុលដៃឆ្វេង រស់នៅភូមិ ឃុំកើតហេតុ។
វត្ថុតាងចាប់យកមាន ដាវដែកចំនួន០១ បច្ចុប្បន្នជនសង្ស័យ និងវត្ថុតាងសមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី។