ស្វាយរៀង៖ នៅវេលាម៉ោង ២២ និង ៣០ នាទីថ្ងៃទី២១ ខែមេសា ឆ្នំា២០២០ នៅចំណុចខាងមុខផ្ទះសំណាក់ ៣៨៨ ភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង កម្លាំងអាវុធហត្ថបានឃាត់ខ្លួនបានជនសង្ស័យបានចំនួន ០២ នាក់ ពាក់ព័ន្ធករណីជួញដូរ ចែកចាយ ឬប្រើប្រាស់ដោយខុសច្បាប់នូវសារធាតុញៀន និងដកហូតវត្ថុតាងម្សៅក្រាមពណ៌សថ្លា ចំនួន ០៨ កញ្ចប់, ទូរស័ព្ទចំនួន ០៣ គ្រឿង, ប្រាក់ដុល្លារចំនួន ៣០ ដុល្លារ, ប្រាក់រៀល ចំនួន១០០,០០០ រៀល, ប្រាក់ដុង ១៥០,០០០ ដុង, ប័ណ្ណសមាជិក ប.ស.ស ចំនួន ០១ សន្លឹក និងសម្ភារៈប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ និង វត្ថុតាងត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿងបញ្ជូនអយ្យការអមសាលាដំបូងខេត្ត។