កំពង់ឆ្នាំងៈ នៅវេលាម៉ោង០៩ និង៤០នាទី ថ្ងៃទី២២ ខែមិថុនា ឆ្នាំ២០១៦ ស្នាក់ការសន្តិសុខលេខ៥០០ របស់ កងរាជអាវុធហត្ថខេត្តកំពង់ឆ្នាំង បានធ្វើការបង្ក្រាបបទល្មើសព្រៃឈើ០១លើក ដោយឃាត់ខ្លួនបានមនុស្សចំនួនម្នាក់។ កម្លាំងស្នាក់ការ បានឱ្យដឹងថាជនសង្ស័យមានឈ្មោះ ៖
ជួប វណ្ណា ភេទ ប្រុស អាយុ ៣២ ឆ្នាំ ទីលំនៅ ភូមិលាជ ឃុំលាជ ស្រុកក្រវាញ ខេត្តពោធិសាត់ ។ កម្លាំងបានបន្តឱ្យដឹងទៀតថា កម្លាំងបានធ្វើការ ចាប់យកវត្ថុតាងមួយចំនួនរួមមាន៖
០១. រថយន្តចំនួន០១ គ្រឿង ម៉ាក Camry ឆ្លាម ពណ៏ខ្មៅ
០២. ឈើក្រញូងចំនួន ៧ ដុំ
ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថខេត្តកំពង់ឆ្នាំង កំពុងកសាងសំណុំរឿង បញ្ចូនទៅខណ្ឌរដ្ឋបាលព្រៃឈើ ដើម្បីចាត់ការបន្តតាមនីតិវិធី។