កណ្តាលៈ វេលាម៉ោង២៣ និង២០នាទី ថ្ងៃទី២២ ខែមិថុនា ឆ្នាំ២០១៦ កម្លាំងមន្ទីយុត្តិធម៌កងរាជអាវុធហត្ថខេត្តកណ្តាល បានធ្វើការឃាត់ខ្លួនជនសង្ស័យ០៣នាក់ ពាក់ព័ន្ធករណីរក្សាទុក និងប្រើប្រាស់នូវសារធាតុញៀន ស្ថិតនៅចំណុច ដងផ្លូវជាតិ៨Aភូមិព្រៃចាស់ឃុំវិហារសួគ៏ ស្រុកខ្សាច់កណ្តាល ខេត្តកណ្តាល។ បើតាមសេចក្តីរាយការណ៍បានឱ្យដឹងថា ជនសង្ស័យទាំង០៣នាក់នោះមានឈ្មោះ
០១. ថាន់ សុផាត ប្រុស អាយុ ១៧ឆ្នាំ មុខរបរ មិនពិតប្រាកដ រស់នៅភូមិព្រែកក្រវ៉េះ ឃុំព្រែកពោធិ ស្រុកស្រីសន្ធរ ខេត្តកំពង់ចាម
០២. ស្រ៊ូយ សុផល ភេទប្រុស អាយុ២៤ឆ្នាំ រស់នៅភូមិ ឃុំជាមួយគ្នា
០៣. ប៊ុន លាង ប្រុស អាយុ២៥ឆ្នាំ ភូមិថ្មដាឃុំព្រែកពោធិ ស្រុកស្រីសន្ធរ កំពង់ចាម។
សេចក្តីរាយការណ៍បានបន្តទៀតថា កម្លាំងបានធ្វើការចាប់យកវត្ថុតាងមួយចំនួនរួមមានៈ
០១. ថ្នាំញៀនប្រភេទម៉ាទឹកកក ចំនួន០២កញ្ចប់
០២. ម៉ូតូចំនួន០១គ្រឿង
០៣. ទូរស័ព្ទចំនួន០២គ្រឿង
ជនសង្ស័យ និងវត្ថុតាង ត្រូវកម្លាំងអាវុធហត្ថខេត្តកណ្តាល កំពុងកសាងសំណុំរឿងដើម្បីបញ្ចូនបន្តតាមនីតិវិធី។