រាជធានីភ្នំពេញៈ ជនសង្ស័យ១៧នាក់ ត្រូវកម្លាំងកងរាជអាវុធហត្ថខណ្ឌដូនពេញ សហការជាមួយកម្លាំងអាវុធហត្ថខេត្តកណ្តាល បានធ្វើការឃាត់ខ្លួន បន្ទាប់ពីបើកប្រតិបត្តិការចុះបង្ក្រាបគ្រឿងញៀនក្នុងតំបន់អនាធិបតេយ្យមួយកន្លែង ដោយដកហូតបានថ្នាំញៀនប្រភេទម៉ាទឹកកក១កញ្ចប់ធំ,
កញ្ឆាក្រៀម០២កញ្ចប់ រួមទាំងឧបរណ៍ប្រើប្រាស់មួយចំនួន កាលពីវេលាម៉ោង១១ និង១៥នាទីព្រឹកថ្ងៃទី២៣ មិថុនា ២០១៦ ស្ថិតក្នុងខណ្ឌដូនពេញ ។
ក្នុងប្រតិបត្តិការនេះ ត្រូវកម្លាំងឃាត់ខ្លួនជនសង្ស័យ ជាអ្នកជួញដូរ និងប្រើប្រាស់គ្រឿងញៀន១៧នាក់ (ស្រី១នាក់) រួមទាំងថ្នាំញៀនប្រភេទម៉ាទឹកកកចំនួន១កញ្ចប់ធំ និងកញ្ឆាក្រៀមចំនួន២កញ្ចប់ ម៉ូតូចំនួន៤គ្រឿង រួមទាំងឧបករណ៍សំរាប់ប្រើប្រាស់មួយចំនួន ។
ជនសង្ស័យ និងវត្ថុតាងត្រូវកម្លាំងអាវុធហត្ថខេ្តកណ្តាល កំពុងកសាងសំណុំរឿងដើម្បីចាត់ការបន្តតាមនីតិវិធី។