ក្រចេះ៖ នៅវេលាម៉ោង ២១ និង៥០នាទី ថ្ងៃទី១ ខែឧសភា ឆ្នាំ២០២០ កម្លាំងស្នាក់ការសន្តិសុខ៧០៧ ដឹកនាំដោយលោក វរសេនីយ៍ត្រី ឃុន សុយាន ប្រធានស្នាក់សន្តិសុខ បានចុះបង្រ្កាបករណីជួញដូរនិងប្រើប្រាស់ដោយខុសច្បាប់នូវសារធាតុញៀន នៅចំណុចបុស្សយាយឡា ភូមិថ្នល់ ឃុំស្វាយជ្រះស្រុកស្នួល ខេត្តក្រចេះ ដោយឃាត់ខ្លួនជនសង្ស័យបាន ៤នាក់ និងដកហូតវត្ថុតាងម្សៅក្រាមពណ៌សរថ្លាចំនួន ៦កញ្ចប់, ជញ្ជីងសំរាប់ថ្លឹងគ្រឿងញៀនចំនួន ១គ្រឿង, ទូរស័ព្ទចំនួន ២គ្រឿង, ដែកកេះចំនួន ៤, ម៉ូតូចំនួន ២គ្រឿង, កូនកាំបិតចុងស្រួចចំនួន ១ និងសម្ភារៈវេចខ្ចប់ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ និងវត្ថុតាងមន្ត្រីជំនាញបានកសាងសំណុំរឿងតាមនីតិវិធី ។