សៀមរាបៈ ថ្ងៃទី២៤ ខែមិថុនា ឆ្នាំ២០១៦ កម្លាំងកងរាជអាវុធហត្ថខេត្តសៀមរាប បានធ្វើប្រតិបត្តិការបង្ក្រាបករណីពាក់ព័ន្ធជាមួយសារធាតុញៀនចំនួន០៣លើកជាប់ៗគ្នា ដោយធ្វើការឃាត់ខ្លួនមនុស្ស ប្រុស-ស្រីចំនួន ១៣នាក់ ស្ថិតនៅចំណុច ភូមិថ្នល់ សង្កាត់ស្រង៉ែ ក្រុងសៀមរាប ចំនួន០២លើក និងភូមិចំបក់ហែរ ឃុំពួក ស្រុកពួក ខេត្តសៀមរាបចំនួន០១លើក។
ក្នុងនោះដែរកម្លាំងបានធ្វើការចាប់យកវត្ថុតាងមួយចំនួនរួមមាន៖

០១. ម្សៅក្រាមពណ៌សថ្លា ចំនួន៣១កញ្ចប់ ដែលមានទម្ងន់ស្មើ ៤១.១៤ក្រាម
០២. ទូរស័ព្ទដៃ ចំនួន១៥គ្រឿង
០៣. ជញ្ជីងចំនួន០១គ្រឿង
ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថខេត្តសៀមរាប កំពុងកសាងសំណុំរឿង ដើម្បីចាត់ការបន្តតាមនីតិវិធី។