តាកែវៈ វេលាម៉ោង០៧ និង៣០នាទី ថ្ងៃទី២៤ ខែមិថុនា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងដូនកែវ បានធ្វើប្រតិបត្តិការបង្ក្រាបឃាត់ខ្លួនជនសង្ស័យ០៣នាក់ ពាក់ព័ន្ធជាមួយសារធាតុញៀនចំនួន០១លើក ស្ថិតនៅចំណុច ផ្ទះសំណាក់ភូមិធម្មជាតិ ស្ថិតនៅភូមិអូរស្វាយចេក សង្កាត់រកាក្នុង ក្រុងដូនកែវ ខេត្តតាកែវ។ កម្លាំងបានបញ្ជាក់អោយដឹងថា ជនសង្ស័យទាំងនោះមានឈ្មោះ៖
០១. ឆាយ វណ្ណា ភេទ ប្រុស អាយុ៣៥ឆ្នាំ ទីលំនៅ ស្រុកអង្គរជ័យ ខេត្តកំពត មុខរបរមិនពិតប្រាកដ
០២. ម៉ុក សោភណ្ឌ័ ភេទ ប្រុស អាយុ២៨ឆ្នាំ ទីលំនៅ ស្រុកអង្គរជ័យ ខេត្តកំពត
០៣. សាវន័ មុន្នីដេត ភេទប្រុស អាយុ ២៤ឆ្នាំ ទីលំនៅ ភូមិថ្នល់បែក សង្កាត់រការក្រៅ ក្រុងដូនកែវ ខេត្តតាកែវ ។
ក្នុងនោះដែរកម្លាំងបានធ្វើការចាប់យកវត្ថុតាងមួយចំនួនរួមមាន៖
០១. ម្សៅក្រាមពណ៌សថ្លា ចំនួន០២កញ្ចប់ ដែលមានទម្ងន់ស្មើ ១.៥៥៥ក្រាម
០២. ទូរស័ព្ទដៃ ចំនួន០៣គ្រឿង
០៣. ជញ្ជីងចំនួន០១គ្រឿង
០៤. ដាវសាម៉ូរ៉ៃចំនួន០១ដើម
០៥. កាបូបដៃចំនួន០១
០៦. ប្រាក់ខ្មែរចំនួន ១២ម៉ឺនរៀល និងសំភារៈសំរាប់ជក់គ្រឿងញៀនមួយចំនួនទៀត ។
ជនសង្ស័យ និងវត្ថុតាង ត្រូវកម្លាំងមូលដ្ឋានកងរាជអាវុធហត្ថក្រុងដូនពេញ កំពុងកសាងសំណុំរឿង បញ្ចូនទៅកងរាជអាវុធហត្ថខេត្ត ដើម្បីចាត់ការបន្តតាមនីតិវិធី។